輸同贏是一個相對概念,唔同嘅時候唔同嘅場景可以有唔同輸贏嘅定義,我曾經試過生意低迷到失業8個月,每日釣魚思考人生,那個階段可以定義為輸?

 

我現在直播網購生意每星期超過100萬生意額,可以定義為贏?坦白講我唔會咁樣去定義。

 

人生有不同嘅高低起伏,當我失業8個月嘅時候,望住屋企,我問過自己是否甘心繼續灰心失意,甚至養唔起頭家。如果當時嘅我繼續沉醉從前嘅豐功偉績,沒有改變嘅心,可能呢一刻嘅我仲係度釣魚,無可能係度寫《傳奇鞋佬》專欄。

 

所以,在失意嘅時候保持鬥志,感受一下逆境帶來嘅祝福,努力求變,把握市場機遇,總有一天可以釜底抽薪,成為您人生中嘅傳奇。我認為人可以認輸,明白自己需要改變嘅空間,但請不要服輸,因為您永遠唔會知道贏嘅時刻何時降臨。

 

創立直播網購平台之前,我遊手好閒了一段時間,收入停止了一段時間,我家人為了支持我再開始一個未開發嘅領域,賣左層樓都要撐我,輸了層物業,輸了一份安全感,但我贏了家人的信任和支持,所以有今時今日嘅小成就,我真係很感激家人和粉絲的支持和愛戴。

 

也許別人眼中嘅鞋佬係直播世界已經係一個小贏家,然而這份小勝利我從不自滿,也不自誇,因為沒有團隊嘅奮鬥,沒有家人嘅支持,我什麼都不是,我心目中嘅贏也不止於此。

 

相信聰明的讀者們看到標題上的「認書」,已經明白我想分享的不僅是贏輸嘅概念,而是由一個目不識丁嘅鞋佬,工作只有一股傻勁嘅鞋佬,到今年有個小成就,由出版商邀請撰寫了一本《鞋佬的網紅瘋狂日誌》,感覺十分實在也百感交集。看畢全書後,您會發覺我是如何由一個寂寂無名的人,到今時今日的「香港第一帶貨男網紅」。這一刻我也沒有定義自己贏了,只是有一個很開心的里程碑,約定你哋7月18日週六下午2點至4點,來書展參加我嘅新書簽名會,一起感受鞋佬嘅瘋狂世界。

 

其實贏輸邊有絕對,今天的輸可以創立明天的贏,當你有瘋狂的夢想被別人嘲笑的時候,我們一起笑笑他人看不穿嘅同時,請記住您並不孤單,瘋狂鞋佬係您嘅朋友…想知我有幾瘋狂嘅朋友,書展見啦。