「鞋佬、鞋佬,可唔可以同我影張相啊」,「鞋佬,我好鐘意睇你直播啊」。有時出街都會遇到呢種情境,心裡暗爽係因為做直播帶貨,多咗人認識我,知道我呢個「帶貨網紅」,其實人人都係帶貨網紅。

 

點解咁講?現實生活中,人人都係帶貨網紅,舉個例子,今日我食完間餐廳,我覺得好好食,我推介比A君,A君信我,結果去嘗試呢間餐廳,咁完成咗呢一連串嘅動作,我就「帶咗貨」,只系你唔察覺。

 

不過,再鮮艷嘅花都會有凋謝枯萎嘅一日,正所謂花無百日紅,呢個道理我一直提醒自己,所以,全港既billbroad廣告入面,仲有我哋嘅新晉帶貨網紅妹妹、嫂嫂、嫲嫲、怕醜小生,希望培養更多素人變網紅,保持新鮮感,增強實力!!

 

其實,私底下收到不少推薦或自薦,有素人、有KOL!好多人問我,點解唔搵啲有粉絲底嘅明星或KOL加入我哋,成為新晉帶貨網紅?仲會覺得培養素人網紅難度高啲!

 

我無否認過有粉絲底嘅朋友,有幕前感染力,但事實上有固有粉絲底嘅朋友或多或少已經給粉絲一個固有形象,原本佢過往一直用呢個形象同粉絲相處,轉做帶貨網紅,佢哋首要工作係要真實感受產品,從而將產品用後感受告訴粉絲,將你認為好嘅產品推介俾粉絲們,甚至乎有時候可能你需要自嘲或用一啲千奇百趣既呈現方法去做直播,部分粉絲會覺得件事「變質」,不再喜歡你從而選擇取關,係呢種壓力下,明星底的朋友可能未必接受到掉粉嘅衝擊,咁佢可能未必適合做一個出色嘅直播帶貨網紅。

 

相比之下,培養素人變網紅有一個好好嘅優勝之處,就係佢哋擁有共同嘅特質,就係nothing to lose,沒有怕跌粉的心態,博盡無悔,用心去感受和挑選產品,真心推介自己認為好嘅產品俾客人,努力去構思一個好嘅呈現方法,等觀眾隔住個Mon睇直播都睇得津津樂道,好似追劇集咁。

 

我自己係素人變網紅過來人,都係由0粉絲底下,慢慢一步一透過屏幕做到今日,係透過我嘅用心和真實分享,讓佢哋放下心理防禦,由粉絲變朋友。我唔係凈系一面讃好,我敢於係鏡頭前坦言產品的不足之處,我成日叫粉絲們「理性消費」,呢個就係我。

 

大家千萬不要一心想模仿某個網紅做直播,你永遠只系人哋嘅影子,每個素人網紅都要帶出自己嘅風格,我哋有青春可愛嘅妹妹;有高貴大方嘅嫲嫲;有精明節儉嘅嫂嫂;有科技達人嘅小生,每個素人網紅都有佢嘅領域,走不同嘅路線,負責向粉絲推介唔同嘅產品。

 

係我眼中,一個成功嘅帶貨網紅,係社會上有一定嘅影響力,也許沒有華麗嘅包裝,卻有一顆真誠的心去銷售產品,哪怕只有一個觀眾,都努力帶貨。如果您有同樣嘅方向,歡迎Inbox我哋,呢一刻我們不止要素人網紅,還要「掃人」做網紅。鞋佬由一個寂寂無名嘅屋邨仔,到成為香港第一帶貨男網紅,係因為我比人行快一步,敢於創新,敢於嘗試,唔好諗咁多,我可以,您都可以!花無百日紅,人窮志不窮!